Stalletjie by die Interhoër

Op 24 Februarie 2018 was dit Hoërskool Rob Ferreira se beurt om die Interhoër aan te bied. Dit was ‘n groot storie en mens kan maar net wonder hoeveel reëlwerk voor die tyd moes gebeur!

Die AP Kerk Witrivier het die geleentheid aangegryp om hierdie jaar worsbroodjies en prego’s te verkoop. Reeds die vorige aand het ons begin broodjies smeer en uie kap… Dit was ‘n heerlik verrassing om te sien hoeveel van ons lidmate ‘n handjie kom bysit – ek is die Here diep dankbaar!

Die volgende oggend was sommige van ons reeds 05:00 (die oggend!) op die terrein en ek kan met diepe waardering en bewondering vertel dat meeste van hulle tot 18:00 (die aand!) gehelp het. Daar was ook ‘n hele klomp lidmate wat tussen deur ander verpligtinge ‘n handjie kom gee het. Dit was ‘n heerlike dag, en ons het rede om baie dankbaar te wees. Almal het met ‘n heerlike gees saam gewerk. Die Here het ons werklik geseën.

Mag ons hierdie genade gawe gebruik om sy Naam te verheerlik! SDG!

Creative Bible Teaching

51NnpVmeSzL._SX326_BO1,204,203,200_
Bou jy brûe? Om die boodskap van die Skrif helder en duidelik oor te dra is baie soos om ʼn brug te bou. Daar is egter ʼn groot verskil. In stede daarvan om ʼn pad oor valleie of riviere te probeer bou moet die voorganger in hierdie geval beide kulturele grense en die groot gaping tussen die hede en antieke tye oorbrug. Hierdie figuurlike brug moet ook nie net die hede en die verlede oorspan nie, maar ook die toekoms! Lees voort

Bybelstudie in ‘n Neutedop

75598Wanneer ‘n mens die Bybel bestudeer is dit maklik om as’t ware oor al die kosbare skatte te lees. ‘n “Induktiewe Bybelstudie proses” kan ons hiermee help. Hier is een wat uit Richards en Bretfield se “Creative Bible Teaching” oorgeneem is.

Eers gaan ons elke stap verduidelik. Aan die einde van hierdie dagboekinskrywing sal ons ook skakel na ‘n PDF-werkkaart plaas wat jou stap vir stap deur die proses sal begelei. Mag jy ‘n nuwe diepgang in jou Bybelstudie beleef. Lees voort

Die Institusie van Calvyn

john-calvin-closeup

Opnuut in Afrikaans vertaal en verkort weergegee deur Ds. A. Duvenage.

Hierdie boek is nie bedoel om in die plek van die Institusie gelees te word nie maar om die gewone lidmaat vertroud te maak met die gedagtes van die groot hervormer en om hom op die wyse begerig te maak om self die Institusie te lees en homself te bou met die rykdom van Skrifkennis en ware godsvrug wat soos ‘n verkwikkende waterstroom daarin vloei. Ek is daarvan oortuig dat die gelowiges in ons land, wie hulle ook mag wees en watter posisies hulle ook in die kerklike, maatskaplike en staatkundige lewe van die volk mag beklee, alleen dan die regte koers kan hou en aanwys as hulle weer geestelik hierdie wapenrusting aangetrek het. Lees voort

Hoekom het ons hierdie 66 Boeke in ons Bybel?

bible-1846174_960_720.jpgDie woord “Kanon” word gebruik om die Boeke wat Goddelik geïnspireer is (en daarom in die Bybel hoort) te beskryf. Alles sou baie makliker gewees het as die Bybel iewers vir ons ʼn lys gegee van al die Boeke wat in die Bybel hoort (en watter nie). Dit is egter nie so eenvoudig nie. Die proses om die Kanon vas te stel is ʼn proses wat aanvanklik deur die Joodse rabbi’s en skrifgeleerdes begin is en later deur die vroeë Christelike kerk voortgesit is. Hoewel mense by die proses betrokke was, moet ons eindelik erken: Dit was God wat besluit het watter Boeke in die Kanon hoort en watter nie. Elke Bybelboek wat deel is van die Kanon was deel daarvan vanaf die oomblik dat God die skrywer geïnspireer het om die Boek te skryf. Die boeke self het, deur die werk van die Heilige Gees, die lesers oortuig dat hulle Goddelik is. Ons noem dit die selfgetuienis van die Skrif. Erkenning van die gesag van die Bybelboeke het oor jare (eeue) plaasgevind. Die kerk het nooit amptelik besluit watter boeke is kánoniek nie, maar slegs hulle Kanonisiteit erken. Lees voort

Pas jou verhouding binne God se raamwerk?

7807C3EC-7BC8-4367-88EC-195EA9D76E86Visse is gemaak om in water te lewe. Almal weet dit. Maar, sê nou maar, een kyk op ‘n dag op en dink: “Sjoe! Ek wil uit die water uit, ek wil so vry soos die voëls daarbo wees,” en hy besluit om dadelik die daad by die woord te voeg en uit die water te spring… Gaan hy vry wees?

Die antwoord is: “Nee!” Visse is nie gemaak om buite die water te lewe nie. Die oomblik as daardie vis uit die water uit is kan hy skaars beweeg! Erger nog: na ‘n paar minute is daardie vis dood omdat hy nie meer kan asemhaal nie. So ‘n vis buitekant die water is nie vry nie, hy is dood! ‘n Vis is op sy gelukkigste ín die water. Lees voort